Чекори за купување возило на лизинг:

1. Избор на возило: Најпрво, го избирате возилото кое сакате да го купите и добивате понуда за него. Врз основа на изборот и понудата, се подготвуваат потребните документи.
2. Податоци од Вас: Нашите вработени ќе ги побараат сите потребни податоци од Вас за да ја подготват целата документација потребна за аплицирање за лизинг.
3. Одобрување: Според податоците, се преминува на фазата на одобрување која трае максимално 2 дена. Потребно е Вашите податоци да бидат точни и прецизни. Лизинг компанијата ја разгледува Вашата апликација и доколку е сè во ред, ќе ви го одобрат барањето за лизингот и ќе ве известат за понатамошните чекори.
4. Преземање на возилото: Откако ќе се заврши целата процедура и лизингот ќе биде одобрен, ќе се договара датумот на потпишувањње на Договор за лизинг и превземање на возилото.

Документација за барање за лизинг:

За комплетно барање за аплицирање потребно е да се приложат следните документи:

За физички лица:

• Понуда од снабдувачот потпишана од страна на подносителот на барањето
• Понуда за лизинг прифатена од страна на подносителот на барањето
• Пополнето барање за одобрување на лизинг
• Пополнет и заверен образец на административна забрана и потврда на работодавецот, ја пополнува работодавецот (образец на Лизинг Комапнијата)
• Декларација за плата за последните три месеци
• М1/М2 Образец
• Фотокопија од лична карта (сите страни)/ препис на електронска ллична карта и пасош на овластениот застапник (оригинал документи на увид)
• Извод од трансакциска сметка за последните шест месеци
• Задолжителни средства за обезбедување кои се доставуваат при склучувањето на договорот: соло бланко меници со менична изјава

За правни лица:

• Понуда од снабдувачот потпишана од страна на подносителот на барањето
• Понуда за финансирање прифатена од страна на подносителот на барањето
• Пополнето барање за финансирање со изјава (образец на Лизинг Комапнијата)
• Согласност за прибавување на извештај од кредитното биро
• Потврда од банка за промет, блокираност на сметките и просечната состојба на сметките кај деловните банки во последните 6 (шест) месеци
• Фотокопија на билансот на успех на ден 31.12. за последните две години
• Фотокопија на билансот на состојба на ден 31.12. за последните две години
• Заклучен лист за тековната година
• Фотокопија од извод од Централен регистар не постар од 3 месеци
• Фотокопија од депонирани потписи од банки
• ЕДБ - потврда за извршено евидентирање за ДДВ
• Фотокопија од лична карта (сите страни)/ препис на електронска лична карта и пасош на овластениот застапник (оригинални документи на увид)
• Фотокопија на лична карта (пасош) на сите вистински сопственици во согласност со изјавата

Документацијата мора да биде заверена со потпис и печат од овластеното лице! DELUXE AUTO го задржува правото да побара дополнителна документација за разгледување на барањата за одобрување на лизинг.