Стручните лица во Сервисно-продажниот центар Ви стојат на располагање секој работен ден од 08:00 до 16:00 часот, подготвени целосно да ги задоволат Вашите барања на високо професионално ниво според стандардите на Škoda/Volkswagen. Задоволство ни е да споменеме дека нашиот персонал постојано се надградува и усоовршува посетувајќи обуки за работа со возила од гамата на Škoda/Volkswagen во склоп на професонално организираните курсеви од специјално обучени тренери во Škoda/Volkswagen.

Секојдневните новитети во автомобилската индустрија и нивното унапредување во поглед на техничко-технолошки усовршувања и изуми, сами по себе наметнуваат потреба од користење на специјален алат како и најсовремени електонски дијагностички уреди за сервисирање на истите. Со користење на лиценцирани портали и програми од Volkswagen/Skoda/Seat, персоналот е во чекор со иновациите. Сервисниот центар со 10 работни позиции т.е дигалки е опремен со специјален алат на VW како и два дијагностички тестери за комплетна електроника на возилото VAS 6150 B и VAS 5051A.

Оригиналните делови Ви гарантираат сигурност и безбедност, Вам и Вашето возило. Подлежат на најстроги критериуми за квалитет и не само што гарантираат поголема сигурност, нудат и повеќе комфор и подолг животен век на Вашето возило. Оригиналните делови се идентични со оние делови што се користат во сериско производство така што клиентите можат да бидат сигурни дека купените производи се дизајнирани само за нивните возила и се вградени по стандардите на производителите.

Благодарение на напредната логистика и секојдневните испораки, залихите на оригиналните делови на Volkswagen/Skoda/Audi во нашиот Сервисен центар се достапни за многу краток временски период. Закажете термин и бидете сигурни и безбедни.